လျှပ်တံလက်နက်တွေနဲ့ကောင်းကင်
တစ္ဆေတစ်ကောင်ရူးသွပ်ခြင်းရဲ့ည
ခပ်ပါးပါးဘဝတစ်ထည်အောက်မှာ
ငါလူလားမြောက်ခဲ့ရတယ်......။
အဆိပ်သင့်မြှားမိုးတွေရွာ
မီးလျှံထနေတဲ့မြေပေါ်လျှောက်လို့
ဓါးထက်ထက်တောင်ကိုတက်
ဘဝကိုဖြတ်သန်းခဲ့ဖူးတယ်......။
မျက်ရည်တွေနဲ့ပြည့်နေတဲ့ပင်လယ်
လိပ်ပြာတစ်ကောင်ငါခိုစီးလို့
ဘဝရဲ့လေ ပြင်းးဒဏ်ကိုလည်း
ခံစားခဲ့ဖူးပါရဲ့.....။
ခြောက်သွေ့တဲ့လောက
တမ်းတမှူတွေကိုအဖော်ပြုပြီး
ဘီလူးတစ်ကောင်ရဲ့မွတ်သိပ်မှူ
သစ်ငုတ်တိုရဲ့ တောင့်တမှူတွေနဲ့
မြေခွေးတွေရဲ့ ဂီတစည်းချက်မှာ
ခပ်ကြမ်းကြမ်း ကခုန်နေသူအတွက်တော့
ဟိုး................အဝေးက ဓမ္မသံစဉ်ဟာ
ကမ္ဘာကိုဖျက်မဲ့လှိုင်းတံပိုးပေါ့
ချစ်သူရယ်...........။
နှောင်းဝဿန်
ဘဝဒဏ်
Monday, February 2, 2009
Labels: ကဗျာများ
0 comments:
Post a Comment